|
Литературлуг номчулгага проект-кичээл: Л. Толстой «Ак кодан»
Литературлуг номчулгага проект-кичээл: Л.Толстой «Ак кодан»
Сорулгазы
|
Боданып алганы дириг амытан койгуннуң дугайында солунну бердинген даалгаларга даянып чогаадып тургузар.
|
Кичээлдиң хевири (тип)
|
Холушкак (интеграциялыг) кичээл. Литературлуг номчулга+хүрээлел
|
Планнаттынып турар ɵɵредилге түңнелдери
|
Предметтиг: уруглар номчаан чогаалының, дыңнаан медээзиниң утказын, ында маадырының чорук-херээн шиңгээдип ап, аңаа хамаарыштыр чогуур үнелелди берип, чечен чугааны болгаш дыңнадыгларны долузу-биле шиңгээдип алыр; аас болгаш бижимел чугаазын сайзырадыр.
Метапредметтиг: бойдустуң онзагайын билип алыр; коммуникативтиг: бодунуң бодалын үндүр чугаалап билири; билип алырының: бодунуң билиглерин углап-баштап билири ; регулятивтиг:ажылды планнап, даап бодап, үнелелди кылыры.
Бот-хууда (личностные):бот башкарныры, бɵлүк-биле ажылдаарының дүрүмүн сагып билир
|
Аргалар болгаш ɵɵредириниң хевирлери
|
Аргалар: сɵстүң, проблемниг, кɵргүзүглүг, практиктиг. Хевири: ниитизи-биле (фронтальный) болгаш бɵлүк-биле
|
Дерилгези
|
ИКТ, Чагаа хаптары, саазын А3, клей, хачы.
|
Кичээлдиң этаптары
|
Башкының ажылы
|
Ɵɵреникчиниң ажылы
|
Ɵɵреникчилерниң бүгү талалыг ɵɵредилге ажыл-чорудулгазының (УУД) хевирлеттинери
|
I. Организастыг кезээ
|
-Уруглар, дорт туруптуңар, бажыңарны шала кɵдүргеш, хɵрээңерни хере тудуп, хүлүмзүрүп мендилежирин диледим. Шуптуңарга кичээлде чедиишкиннерни күзедим!
|
Ɵɵреникчилер мендилежир
|
Коммуникативтиг: найыралдыг харылзааны тургузуп, эки ажылче тургустунары.
Башкарыкчы (регулятивиг): чедиишкинниг ажылче хараалдаар
|
II. Ɵɵреникчилерниң ɵɵредилге ажыл-агыйын идепкейжидери
|
-Ам эптиг кылдыр олуруп алгаш боданып кɵрүңерем, кажан силер «кыш» деп сɵс дыңнаарыңарга чүү сагындырып кээр-дир.
-Карактарыңар шийипкеш, адыжыңарга харжыгаш дүжүпкен кылдыр бодаптыңарам
Селбегер, чиик, чараш …. Бир эвес мен харжыгаш дээрге кыштың демдээ-дир дээр болзумза, мээң-биле чɵпшээрежир силер бе? Чүге?
-Кыштың келгенинге кижи бүрүзунүң хамаарылгазы аңгы-аңгы . Силер кышты канчалдыр уткур алыр-дыр силер? Чүге?
-Силерниң бодалдарыңарга катчып тур мен, ам кышкы үениң эки, багай талаларын түңнеп үндүрүптээлиңер, уруглар.
ɵɵрүүрүнүң чылдагааннары:
1.Хар чааптарга арыг-силиг апаар.
2.Чаап турар харны кɵɵрге дыка солун,чараш.
3.Улуг кижилер-даа, бичии уруглар-даа хаактап, конькилеп , дагдан бадып чунгулап ɵɵрүүр.
4.Бичии уруглар хар-биле дүрзүлер тудуп ойнаар.
Муңгараарының чылдагааннары:
3. Соок, дүвүлүг хат-шуурган база хадыыр
2. Хүн эвээш хуннээр, дораан карангылай бээр.
3. Кижилер соокка алыскаш, аарып ажый берип болур.
4. Дириг амытаннарга кыжын берге, ылаңгыя аъш-чем тып чиири.
-Ынчаарга, кышкы үениң эки, багай талалары кандыг-дыр, уруглар?
-Кыштың чамдык багай талаларын шуут тургуспайн болур шээй бис. Силер чүү деп бодаар-дыр силер?
- А дириг амытаннарга дузалажыр деп бодаар болза, кижи чүнү билир боор ужурлугул?
|
Кышка хамаарышкан сɵстер адап турар.
Кижи бүрүзү бодунуң бодалын чугаалаар.
Кижи бүрүзү бодунуң бодалын чугаалаар.
Уругларның харыылары
|
Бот-хууда: бот-башкарныры
Коммуникативтиг: бодунуң бодалын үндүр чугаалап билири
Билип алырының: логиктиг- демдектерин ылгап үндүрүп алыр сорулга-биле объектини анализтээри.
Регулятивтиг: ɵɵредилге проблемазын тодарадыры
|
III. Кичээлдиң сорулгазын болгаш шиитпирлээр айтырыгларын тургузары.
|
-Бɵгүн кичээливис сорулгазы чул, чүү деп бодаар-дыр силер , уруглар?
-Ону канчалдыр чедип алыр бис?
-Мээң сүмем -койгун дугайында чыып, билип алган билиглеривис мɵɵңнеп, «Ак кодан» деп аттыг проект тургузар. Чүге албан койгунну шилип ап турар бис?
- А ажылывыс түңнели (продукт) литературлуг солун болур.
-Бɵлүк болуп алгаш ажылдаар силер. Бɵлүк бүрүзү боттарының арнын тургузар. Ажыл үезинде чогаадыкчы тывынгыр чорууңар кɵргүзүп, бот-боттарыңарга дузалажып, найыралдыг болуруңарга идегээр-дир мен. Деңге ажылдаарының дүрүмүн сактыптаалыңар, уруглар.
-Проект-биле ажылдап тургаш бɵлүк бүрүзү ажылының планын тургузуп, бижип олурар ужурлуг.
|
Уругларның харыызы
Уругларның харыызы
Бɵлүкке
ажылдаарының дүрүмнерин адаар:
1.Эжиңни тɵнчүзүнге дээр дыңна. 2. Чүгле ажыл дугайында чугаалажыр. 3.сактып ал: сээң ажылыңдан бүдүн бɵлүктүң түңнели хамааржыр. 4.Эптиг-найыралдыг ажылда 5. Эки сеткил-хɵɵн-ажылда чедиишкин
|
Коммуникативтиг: ɵɵредилге ажылын башкы болгаш эштери-биле кады планнаары
Регулятивтиг: бɵлүктерге ажылды планнаары
|
IV.Проектини тургузары
|
1 дугаар даалга
-Уруглар, силерниң литературлуг сеткүүлүңер арын бүрүзү аттыг болур. Ынчангаш ат шилиир ажылдан эгелээлиңер. Партаңар кырында чагаа хавы болгаш А3 саазыны бар. Чагаа хавында элээн каш аттарның вариантылары бар, оларның кайызы силерге тааржыр-дыр шилип алгаш, арыныңарга чыпшырып алыңар. (3 мин)
Арыннарның аттарының вариантылары: «Коданның даштыкы хевири», «Коданның онзагайлары» , «Коданның чиир чемнери, ɵзүп кɵвүдээри»
2 дугаар даалга
Чаптанчыг ак кодан дугайында чогаалчылар болгаш чон чаңгыс эвес чогаалды тургузуп бижээн болгай. Партаңарда № 2 дугаар чагаа хавын ажыдыптыңар. Ында бердинген чогаалдарның утказы болгаш одуруглары холужуп калган-дыр. Силерниң ажылыңар холужуп калган шүлүктү, тывызыкты азы чечен чугааның утказының дес-дараалашкаан тургускаш, арыныңарже чыпшырып алыр силер (3 мин)
Сула шимчээшкин
3 дугаар даалга
-Дараазында этапта бичии, кыска чогаадыгжыгаш бижиир силер. № 3 дугаар чагаада сɵс каттыжыышкыннары бар ону ажыглап болур. А чогаадыыңар арынның адынга дүгжүп турар боор ужурлуг. (7 мин)
4 дугаар даалга
Ам чыып, белеткеп алган материалдарыңарны кончуг таптыг арыг, чараш кылдыр кезип алгаш, чыпшырып алыңар. (3 мин)
|
Арынынга атты шилип, саазынга ону чыпшырар
1-ги бɵлүкке чечен чогаал Л. Толстой «Ак кодан» (сюжедин дес-дараалаштыр тургузар)
2-ги бɵлүкке шүлүк (олуй-солуй салган одуругларын утказының аайы-биле шын дес-дараалаштыр тургузар)
3-кү бɵлүкке ыры (олуй-солуй салган одуругларын утказының аайы-биле шын дес-дараалаштыр тургускаш, ырлап күүседиринге белеткенип алыр)
4-кү бɵлүкке тывызыктар (2-3 тывызыктың сɵзүглелдерин будалдыр холуштурган, оларны эде тургузар).
Уруглар чогаадыг бижиир.
Чыып, кылып алган материалдарын кезип чыпшырар
|
Билип алырының: бодунуң билиглерин углап-баштап билири
Коммуникативтиг: бɵлүкке ажылдап билири
Бот-хууда: шиңгээдип ап турар материалын мɵзү-шынар эстетиктиг үнелээри
|
V.Ажылын камгалаары
|
-Ам бɵлүк бүрүзү боттарының ажылын план ёзугаар камгалаар.
План
1.Таныштырылга (ажылдың авторлары)
2.Ажылын камгалаары
3.Белен продуктузун каяа ажыглап болурун тодарадыр. (ажыл бүрүзү 3 мин)
Белеткеттинген арыннарны чыпшырып, солунну тургузар.
- Бо солунну каяа ажыглап болурул?
|
Уруглар ажылын камгалаар
|
Коммуникативтиг: бодунуң бодалын долу болгаш тода, билдингир дамчыдып билири.
Бодунуң бодалын үндезилээр
Бот-хууда: бот-башкарныры
Регулятивтиг: планнашкын, даап бодаашкын.
|
VI. Түңнел. Рефлекция
|
-Кичээливис тɵнер чети. Кичээл эгезинде салдынган сорулгазвыс чедип алган бис бе, чүү деп бодаар-дыр силер?
-Ам № 4 дугаар чагаа хавын ажыдыптыңарам, ында «чедиишкинниң чадазы» болгаш кижижигеш бар. Бир эвес силер бодуңарның бɵлүүңерниң ажылын эки, шупту чүвеңер болу берген деп санаар
болзуңарза, кижижигешти кырыкы чадага салып алыңар. Бир эвес ажыңарга арай таарзынмас, бир-ле чүүл болдунмайн барган деп санаар болзуңарза, кижижигешти ортаакы чадага салып алыр силер. Бир эвес ажылыңарга шуут таарзынмаан болзуңарза, кижижигешти адакы чадага салып алыр.
Кичээл тɵнген. Четтирдим!
|
Уругларның бодалы
Уруглар «чедиишкинниң чадазын» кылып күүседир.
|
Коммуникативтиг: бодунуң бодалын үндүр чугаалап билири
Бот-хууда: бот-башкарныры
| |
|
|
Скачать 62.01 Kb.